註釋
記得嗰一晚，
沮喪嘅我原本只係諗住借酒消愁。
雖然最後醉唔到，但錯有錯著，
竟然因為咁俾我邂逅到「命中注定」嘅妳。
詠藍，妳就好似當晚嗰一杯藍色瑪格麗特咁，
送過我畢生難忘嘅一晚。
但酒總有飲完嘅一刻，「醉」醒之後，
妳仲會唔會繼續留喺我身邊？
啟仁，係「酒」令到我哋兩個本來完全冇交集嘅人，
喺某個時間地點相遇。
係你嘅溫柔撫平咗我幾近破碎的心靈，
令我可以重新向前邁出一步。
你應該好清楚我內心嘅諗法，
正如我都係一樣咁清楚你。
我唔係想逃避，只係越嘗試去面對，
就越會發現──呢個「世界」，
總有啲嘢係唔輪到我哋決定……
我永遠唔會忘記，
妳喺我嘴唇留低過嘅味道。
我寧願喺最美好嘅一瞬間，
結束呢段關係。
